Eg har alltid vore fascinert av nordlys. Etter at eg begynte med måling, fekk eg ein ide om at nordlys, det ville eg meistre å måle med akvarell. Det framstod for meg som uoppnåeleg, men det stoppa meg ikkje frå å prøve.
Det første forsøket var ikkje særleg vellukka… Ikkje det andre heller, eller det tiande, for den del!
Men som med dei fleste andre ting: ein blir betre dess meir ein øvar. Sakte men sikkert fann eg teknikkar som fungerte for meg, og fekk meir kontroll over resultatet. Sommaren 2022 har eg for første gong bileta mine utstilt på Aandahls butikk i Ørsta.
